👋Apreciabel miembro di prensa, feliz diamars!
Adhunto un relato di prensa cu potret y video pa saca den boso media tocante un pionero den mundo medico esta Dokter Diego González Rivas cu a comparti su tecnica durante operacion na Aruba.
Video link: https://we.tl/t-IUoRTcV7G4
🙏Masha danki pe cooperacion di semper!
Saludos,
Marleen Bakker
Medewerker Marketing & Communicatie
E: m.bakker@hoharuba.com
M: (+297) 597 4408
P: (+297) 527 4110
[NOS SEMPER T'EY!]<https://www.arubahospital.com/> [Facebook Icon]<https://www.facebook.com/hospitalaruba/> [Instagram Icon] <https://www.instagram.com/hoharuba/> [LinkedIn Icon] <https://www.linkedin.com/company/hospital-aruba/> [YouTube Icon] <https://www.youtube.com/channel/UCyN1uJbNQgo4ZgZAlwkWXXg> [Phone Icon] <tel:+2975274000> [Website Icon] <https://www.arubahospital.com/>
You're receiving this message because you're a member of the Press Aruba group from Dr Horacio Oduber Hospital Aruba. To take part in this conversation, reply all to this message.
View group files<https://outlook.office365.com/groups/groupsubscription?source=EscalatedMessage&action=files&smtp=pressaruba%40hoharuba.com&bO=true&GuestId=1ba005db-5f6c-4ada-8fef-13e473fcc6b1> | Leave group<https://outlook.office365.com/groups/groupsubscription?source=EscalatedMessage&action=leave&smtp=pressaruba%40hoharuba.com&bO=true&GuestId=1ba005db-5f6c-4ada-8fef-13e473fcc6b1> | Learn more about Microsoft 365 Groups<https://aka.ms/o365g>
Un pionero den mundo medico
Dokter Diego González Rivas ta comparti su tecnica durante operacion na Aruba
Siman pasa Horacio Oduber Hospital (HOH) tabatin e honor di ricibi bishita di un pionero den mundo medico dokter Diego Gonzalez Rivas. E ta un ciruhano specialisa den operacionnan di torso y pulmon y a desaroya pa prome bes na aña 2010 un tecnica nobo di “single-port VATS” pa operacionnan complica: un tecnica di cirugia avansa cu ta menos invasivo haciendo uzo di un incision hopi chikito. Hospital ta masha orguyoso di por a ricibi dokter Gonzalez y di por a siña di e tecnica aki durante un operacion di pulmon.
Ciruhano Yuri Casseres y alabes Miembro di Hunta di Directiva na HOH a expresa e honor pa por a opera hunto cu dokter Diego Gonzalez Rivas, un ciruhano cu ta opera rond di mundo. Aruba tabata e di 140 pais cu el a bishita pa opera. Actualmente ta trahando riba un serie na television cu lo pasa riba Netflix cu dokter Diego Gonzalez Rivas pues un bishita special y aunke e ta di un dia solamente, toch algo hopi grandi pa un isla chikito manera Aruba.
Pa mas cu’n aña caba HOH ta den preparacion pa haci e operacion cu e famoso dokter aki posibel, entre otro door cu mester a trece instrumentonan specialisa na Aruba cu dokter Gonzales Rivas ta uza durante su operacionnan. Dokter Diego Gonzalez Rivas a comparti cu e personal di camber di operacion e instrumentonan cu e ta uza y alabes e manera con e ta haci un operacion grandi di pulmon a traves di un corta hopi chikito.
Di su banda, dokter Diego Gonzalez Rivas a expresa cu tur cos a bay bon y e ta contento di por a traha memey di profesionalnan na HOH. “E sala di operacion ta un di esunnan di mas moderno cu mi a yega di mira, pasobra e ta conta cu tur tecnologia, pero tambe profesionalnan den enfermeria, asistentnan di OK y tambe di anestesia bon educa. Nos a haci un operacion cerca un pashent unda cu a kita pida di pulmon y saca likido excesivo via di un corta chikito di solamente dos (2) centimeter.” Por ultimo, dokter Diego Gonzalez Rivas a gradici henter e team di HOH pe tremendo cooperacion y pa un operacion exitoso.
Ta bon pa remarca cu regularmente HOH ta ricibi bishita di specialistanan internacional cu ta bin opera na Aruba. Door di continuamente comparti conocemente y experiencia riba tereno di cuido medico cu otro, ta motiva y educa nos profesionalnan tambe pa asina eleva calidad di cuido pa nos pashentnan na Aruba.
FIN
Foto’s
