Bon tardi miembro di prensa,
Adhunto un PR cu potret y video cu ta hiba e titulo: Bloedbank Aruba a celebra Dia Mundial di Donante di Sanger
Link video: https://we.tl/t-RwBEdlehHc
Masha danki pa boso cooperacion di semper,
Saludos,
Marleen Bakker
Medewerker Communicatie
E: m.bakker@hoharuba.com
M: (+297) 597 4408
P: (+297) 527 4110
[NOS SEMPER T'EY!]<https://www.arubahospital.com/> [Facebook Icon]<https://www.facebook.com/hospitalaruba/> [Instagram Icon] <https://www.instagram.com/hoharuba/> [LinkedIn Icon] <https://www.linkedin.com/company/hospital-aruba/> [YouTube Icon] <https://www.youtube.com/channel/UCyN1uJbNQgo4ZgZAlwkWXXg> [Phone Icon] <tel:+2975274000> [Website Icon] <https://www.arubahospital.com/>
You're receiving this message because you're a member of the Press Aruba group from Dr Horacio Oduber Hospital Aruba. To take part in this conversation, reply all to this message.
View group files<https://outlook.office365.com/owa/pressaruba@hoharuba.com/groupsubscription.ashx?source=EscalatedMessage&action=files&GuestId=1ba005db-5f6c-4ada-8fef-13e473fcc6b1> | Leave group<https://outlook.office365.com/owa/pressaruba@hoharuba.com/groupsubscription.ashx?source=EscalatedMessage&action=leave&GuestId=1ba005db-5f6c-4ada-8fef-13e473fcc6b1> | Learn more about Microsoft 365 Groups<https://aka.ms/o365g>
Open dag cu tremendo acohida
Bloedbank Aruba a celebra Dia Mundial di Donante di Sanger
En conexion cu Dia Mundial di Donante di Sanger, Bloedbank di Horacio Oduber Hospital a tene un Open Dag riba diabierna 13 di juni. A habri su portanan pa publico for di 12or te cu 5or unda tabatin mini tour pa tur esnan interesa den sa mas tocante e procedura con pa bira donante di sanger y kico ta pasa cu e sanger despues di e donacion.
Garreth Tromp, Medisch Ondersteunend Manager na LabHOH y Bloedbank, a expresa cu ta celebra e dia aki door di pone enfasis riba e donantenan di sanger. Un bunita gesto e ta pa yuda salba bida di un otro persona haciendo e donacion di sanger cu por salba te cu tres bida.
Actualmente tin 1300 donante activo pero pa representa e isla di Aruba, e porcentahe stipula pa World Health Organization ta nifica cu pa Aruba ta necesario pa tin alrededor di 3 mil donante di sanger. Sanger ta importante por ehempel na momento cu hospital mester asisti un persona herida den un accidente grandi, tambe durante un operacion grandi, durante un parto, tambe sanger p’e pashentnan cu ta haci kimoterapia y hopi mas. Pues, ta hopi importante pa tin suficiente sanger cada bes pa por yuda salba bida.
Banda di diferente interesado tambe a yama bon bini na nos Minister di Salud publico, drs. Mervin Wyatt-Ras cu a haci un bishita y a ricibi un mini-tour di kico tur Bloedbank Aruba ta haci. E tabata sumamente impresiona cu e procedura y alabes a gradici e team pa e bunita trabou cu nan ta eherce. Alabes, Tromp a informa tocante un ekipo nobo y moderno cu recien a instala cu ta automatisa un parti grandi di e proceso pa traha tres producto for di e sanger. Pues ta importante pa Bloedbank sigui inova y mehora nan proceso. A splica minister kico ta sosode ‘behind the scenes’ cu e sanger despues di e donacion y tambe e trabou cu empleadonan ta haci pa sigura cu e sanger ta uno safe y di calidad cumpliendo cu tur rekisito y regla internacional. Tambe a ricibi artista local Freddy Rasta cu a conoce bloedbank y e procedura y alabes a registra pa bira donante di sanger.
Team completo di Bloedbank ta gradici tur e donante na Aruba pa nan tempo y e bunita gesto di nan pa duna bek na comunidad. Si bo tambe kier bira donante di sanger por subi www.bloedbankaruba.aw y yena e formulario den forma digital. Despues di yena e formulario, Bloedbank ta inicia cu e proceso pa bira un donante di sanger. No duda y yena esaki di biaha y join e team di donante di sanger!
FIN
Foto’s
